Бишкекте аялды унаасына камап алып аны зордуктоого аракеттенген таксист 2 айга камакка алынды. Бул тууралуу бүгүн, 30-ноябрда SUPER.KG порталына шаардык милициядан билдиришти.
Буга чейин белгилүү болгондой, такси кызматынын 49 жаштагы Б.Ч. аттуу айдоочусу 27-ноябрда кармалып, убактылуу кармоочу жайга киргизилген. Жабырлануучу аял жазган арыздын негизинде ага «зордуктоого аракет кылуу» беренеси менен кылмыш иши козголгон.
Октябрь райондук соту тарабынан кылмышка шектүүнү №1 тергөө абагына эки айга камакка алуу чечими кабыл алынган.
Окуянын чоо-жайына кайрылсак:
Мындан бир нече күн мурун социалдык тармактарда унаада жардам сурап кыйкырган аялдын видеосу тараган. Интернет колдонуучулар белгисиз аялды унаасына камап алган таксистти жазага тартууну өтүнүшкөн. Видео тараган соң, таксист милиция кызматкерлери тарабынан кармалган.
