Солнечный микрорайонунда кечээ, 29-октябрда көп кабаттуу үйдү өрт чалды. Бул тууралуу ӨКМ маалымат кызматы билдирди.
Алардын маалыматы боюнча, өрттү токтотуу үчүн 16:22 биринчи өрт өчүрүү кызматкерлери келген. Андан соң 16:25 өрт болгон жайга автокран жөнөтүлүп, 16:33 дө дагы эки өрт өчүрүү тобу жиберилген.
Өрт 17:32-де өчүрүлдү.
Маалыматка ылайык, өрттүн кесепетинен үйдүн фасады жабыркап, бир канча батирлер зыян тарткан. Азыркы учурду үйдүн жарымына ток берилбей турат. Ал эми милициянын маалыматы боюнча, жабыркаган, жаракат алган адамдар жок.
Окуяга күбө болгондордун айтуусу боюнча, өрт биринчи кабаттагы ширетүү иштеринен келип чыккан.
