Бишкектен Москвага каттаган поездеги жол кире 55 пайызга чейин арзандады. Бул тууралуу “Кыргыз Темир жолу” мамлекеттик ишканасы” улуттук компаниясынын маалымат кызматы билдирди.
Эми арзандатууларды эсепке алганда Москвага болгон жол кире купе вагондорундагы орун үчүн 12 миң 834 сом, плацкарт вагондорунда 9 миң 767 сомду түзөт.
Эгер жүргүнчү билетти 45 суткадан 41 суткага чейин мурда алса, купе вагондорундагы орунга 55 пайыздык жеңилдик каралган. Ал эми 40 суткадан 9 суткага чейин мурда алса 45 пайыздык жеңилдик болот.
Кошумча маалымат алуу үчүн “Бишкек II” башкы темир жол станциясынын 0 312 30-02-09, 92-68-54 телефон номерлерине байланышсаңыз болот.
