Бишкекте жол кырсыгы 12-январда 7-апрель менен Горький көчөлөрүнүн кесилишинде, Honda Odyssey үлгүсүндөгү автоунаа менен жүргүнчү ташыган маршрутка кагышкан.
Күбөнүн айтымында, минивэн Горький көчөсү аркылуу батыш тарапты көздөй кетип бараткан. Ал 7-Апрель көчөсүнөн бурулуп жатып, жүргүнчү ташыган маршрутканы өткөрбөй койгон, натыйжада ага барып урунган.
Бишкек шаардык милициясы жол кырсыгы болгонун ырастап, эч ким жабыркабаганын билдирди.
Чогултулган материалдар тергөө бөлүмүнө берилип, тийиштүү экспертизалар дайындалды. Маршрутка менен минивэн айып короого киргизилди.
Сүрөт: knews.kg
