Кыргыз парламентинин депутаты Ирина Карамушкина Кыргызстандагы официалдуу тилди кайрадан коргоп чыкты.
Эл өкүлү фейсбуктагы баракчасына орус тили тууралуу ойлорун жазып чыккан.
«Кайрадан Кыргызстандын өнүгүү перспективасын түшүнбөгөн кишилердин кол салуусу башталды. Кээбир сырттан буйрук алган жана арабыздан чыккан мителер, шовинист улутчулдар Кыргызстанда атайлап «украиналык сценарийди» ишке ашырып жатышат. Ушул жалгандардын жана кол салуулардын бир гана максаты: Парламенттеги Конституция жана официалдуу тил боюнча коркпостон сөз кылган акыркы депутаттын «үнүн өчүрүп» койгонду каалашат»,— дейт эл өкүлү.
Ирины Юрьевнанын сөзүндө, дүйнөлүк саясий карта өзгөрүп, КМШ өлкөлөрүнүн ичинен Кыргызстан жана Казахстанда өлкөлөрүндө гана официалдуу тил статусу сакталып калган.
«Башка өлкөлөрдө бул статустан мурда эле баш тартышкан, эмне алар жыргап байгерчиликте жашап калды деп ойлойсуңарбы? Жок! Алар жөн гана Оруссиядан жана орус тилинен баш тартышып, батыштын протекциясына, атайын кызматынын ишке ашышына жол беришип, азыркы учурда английский окуп атышат, себеби, кандай гана болбосун кичинекей өлкөлөр чоң өлкөлөрдүн алдында кала берет. Мен кайсы жерге барбайын ( Грузия, Армения,Латвия, Эстония жана башка.), көчөлөрдөн карапайым кедейчиликте жашаган эл менен баарлашам. Мындан эл эмес, бир гана магнаттар, бийликтин башында тургандар гана пайда көрөт, себеби, батыш өлкөлөр дайыма финансылык гана кызыкчылыкты көздөшөт. Бүгүнкү күнү КРдан 200.000 орус улутундагы калк чыгып кетти, ал эми алардын ордун 400.000 кытайлык жарандар басты. Азырынча алар билине элек, бирок, билип койгула убакыт келет, алар жарандык сурап башташат, ал учурда алар көбөйүп калышат дагы чоң өлкө менен эч ким уруша албайт, себеби биз аларга көптөгөн карызыбыз бар.»- дейт ал.
«Кыргыз жеринен акыркы орус кишисинин буту кеткен кезде», бул жерде 9 кылымдагыдай арабтардын саясаты жүрөт же болбосо кытайлык интервенция жүрүп кайрадан клан аралык, бир туугандарын аянбай өлтүргөн согуш башталат… Орусттар ушул уруулар ортосундагы согушту токтотуп турган жалгыз күч: бир тууганчыл достукту эстеген Оруссия бизге карыздарыбызды кечип, армиябызга жардам көрсөтүп, кокус, терористер менен бандалык коркунуч туулса, орустар бизди коргоого даяр. Фейктердин отун күйгүзүп аларды колдобогула — алардын айынан баарыбыз жеңилип калышыбыз мүмкүн, мунун аягы кандай болоорун бир гана Кудай билет. Элди консолидация кылып, Кыргызстан жалпыбыздын мекени деген ар бир жаранды коргоп алышыбыз керек!»,- деп жыйынтыктаган Карамушкина.
