Кыргызстандагы акыркы саясий декада Алмазбек Атамбаев менен Сооронбай Жээнбековтун ортосундагы катуу салгылашынын астында өтүп, маалыматтык компроматтардын чыгарылуусу менен коштолду. Эки тарап тең компроматтарды чыгарып, өз жагына тарапташтарды чогултуу менен алек болушууда. Түз коментарийлер. Кыргызстан эки лагерге бөлүнүүдө. Аны менен катар үчүнчү күчтөр да активдүү боло баштады.
Белгилей кетүүчү нерсе Алмазбек Атамбаев оппозициялык жээкте биринчи жолу калган жок. Ал бийлик үчүн Акаевтин дагы, Бакиевтин дагы учурунда көптөгөн жылдар күрөшүп келген. Кээбир журналисттер тамаша сымал кылып, ал бийликте жүргөн кезинде дагы, бунтарь оппзоиционер катары өзүн алып жүрчү дешет.
Экинчи тараптан2017-жылга чейин таптакыр белгисиз болгон Сооронбай Жээнбеков- райондук Коммунистик инструктордон президенттикке чейин билинбей жол баскан инсан.
Антсе да, биринчи залп нейтралдуу делген тараптан келди. Укук коргоочу Нурбек Токтакунов Жээнбековтун шайлоодо короткон “каражаты” тууралуу файл жарыялады. Файлда көрсөтүлгөндөй Жээнбековтун штабындагы шайлоого коротулган каражаттар, көрсөтүлгөн суммадан өтө көп экендиги жана чет өлкөдөн дагы каражаттар келгени көрсөтүлгөн, бул кагазга ылайык, укук коргоочу Жээнбековко импичмент жарыялоого негиз бар деди.
Ага улай, Сооронбай Жээнбековтун 24,кг маалыматтык сайтына көлөмдүү маеги чыкты. Ал эми экс-президент болсо, биринчи жолу маек берип, учурдагы президент менен мамилеси тууралуу айтып берип, бир катар сындарды айткан.
Алмазбек Атамбаев өзүнүн “Апрель” телеканалына берген интервьюсунда ачык сүйлөшүп, өзүнүн “байлыгын” булагы жана президенттик учурундагы алынган каражаттардын кайда жана кайсы тарапка колдонулганы тууралуу кеп куруп, Жээнбековтун бир жылдык бийлигиндеги кемчиликтерге токтолгон:
“Мен мындай ушак менен жалганды Акаев менен Бакиевтин учурунда дагы көргөн эмесмин. Биздин карапайым эл дагы, туура эмес ушактарга көбүнчө ишенип алышат”.
“Бакиевтин учурунда Медет Садыркуловту атайлап үлгү болсун үчүн өлтүрүшкөн, ал эми азыркы бийлик, өз калагандай кимди болбосун соттой ала тургандыгын көрсөтүү үчүн Кубан Кулматов менен Сапар Исаковту камап коюшту. Алар “мына карагыла, кааласаңар кимди болбосун камап, атүгүл өлтүрүп кое алабыз” дегенди билидиришкендей болду”.
Жооп кадамдар
Ошентип, эки тарап бирин-бири коркутуудан ачык күнөөлөгөнгө өтүштү. Сооронбай Жээнбеков Атамбаевтин берген маегинен кийин маалыматтык фонду өзгөртүү үчүн мурунку экс-премьер, спикерлер менен чоң жыйын курду. Ошондон кийин маалыматтык айдың өзгөрүлдү.
Андан башка дагы, Бишкекте курултай өткөрүлүп, анын уюштуруучулары Алмазбек Атамбаевтин бийлик учуруна начар деген баа беришип, аны бийликти узурпация кылды деп күнөөлөшүп, апрель төкөңкөрүшүнүн идеалын сатып кеткендиги үчүн жана бийликти басып алгандыгы үчүн генералдык прокурортурадан “экске” карата кылмыш ишин козгоону талап кылышты.
Парламентте болсо, экс-президенттердин кол тийбестигин алып салуу боюнча сунуш киргизишип, биринчи окууда ал мыйзам колдоо тапты.
Бул кимге керек?
Ошо менен катар өлкөдө батышчы, бейөкмөт уюмдардын күчтөрү активдене башташты. Көптөгөн интервьюлар чыгарылып, эки тарапты тең күнөөлөп атышат. Демек, батышчыл күчтөр өлкөнү экиге бөлүү боюнча тапшырма аткарып жатышат. Кыргызстанда буга чейин эки жолку төңкөрүштүн тажрыйбасын алганда, “отко май тамызуу” боюнча механизмдер толугу менен ишке киришкен.
Бирок, мындай өлкөдөгү каршылыкты бир гана “океандын ары жагындагы” достор колдонуп кетпестен, диний экстремистер дагы колдонушу мүмкүн. Фергана өрөөнү “Вилоят Хорасан” куруу үчүн Ислам өлкөсү терорристик тобунун эңсеген жери экени белгилүү.
