Кыргызстандын Президенти Сооронбай Жээнбеков Россия Федерациясынын президенти Владимир Путинге Иркутск облусунун калктуу конуштарын суу каптоонун натыйжасында каза болгондор жана кыйроолор боюнча кайгыруу менен көңүл айтты.
Бул тууралуу президенттин басма-сөз кызматынан билдиришти.
«Терең кайгыруу менен Иркутск облусундагы суу каптоонун натыйжасында жабыр тарткан жана кыйроолор тууралуу кабарды кабыл алдым. Жабыркаган жана курман болгондордун жакындарына көңүл айтам, ошондой эле жабыр тарткандар тез арада айыгып кетишин каалайм», — деп жазылган телеграммадагы текстте Жээнбеков.
Иркутскдеги кырсык 14 адамдын өмүрүн алып кеткен, 13 адам дайынсыз жоголгон бойдон калууда.
Улам катуу жааган жаан-чачындын жана дарыялардагы суунун көтөрүлүшү Бирюс, Уда, Ут, Ия, Икейка жана Кирей Иркутск облусунун 83 калктуу пункттун бир нече райондорун каптаган. Суу ташкындарынын кесепеттерин жоюу боюнча Өкмөттүк комиссия түзүлдү.
Азыркы тапта кырсыктын жыйынтыгында 750 адамдан ашык адам жабыркаганы белгилүү, алардын ичинен 153 тургун ооруканага жаткырылды.
