Кыргызстанда жаңы президенттин кызматка келиши менен, бир гана бийлик системасынд өзгөрүүлөрдү алып келбестен, өкмөттүк эмес уюмдардын дагы, жалпак тил менен айтканда башка өлкөлөргө иштеген агенттердин дагы иштөө тактикасын өзгөрүүгө дуушар кылды. Эгерде ар бир нерсени өз аты менен атасак, АКШнын кызыкчылыгын коргогондор тактиткасын өзгөртүшүп, бийлик менен келишип, кызматка барып ошо менен өз кызыкчылыгы боюнча иш алып барганга аракет кылышууда.
Сооронбая Жээнбековтун кызматка келген биринчи күнүнөн тартып эле, АКШнын Мамдепартаменти тарабынан каржыланган ЖМКлар жана өлкөдө иш алып барган батыштык жана АКШлык укук коргоо уюмдары баарына бирдей буйрук берилгендей, Президентти сындабай калышты, буга чейин дайыма сындап келген өкмөттүк эмес уюмдар эми бийликти таптакыр сындабай калышты.
Батыштын гранттарына иштеген Өкмөттүк эмес уюмдар бийликтин ишенимине кирип, бийликтин башкаруучу кызматына жеткиси келишүүдө. Алар бийликти сындап көчөдө ар кандай флешмобторду уюштурбай, мамлекеттин келечеги жөнүндө узак узак таттууу сөздөрдү сүйлөй башташты. Чынын айтканда, өкмөттүк эмес уюмдар учурда, өкмөт жана президенттин администрациясы менен жылуу мамиледе болуп калышты. Батыштын кызыкчылыгын коргогондор, өздөрүнө кызматты соодалап алышууда. Өкмөттүк эмес уюмдардын башчысы Рита Карасартова Кыргызстанды жакшы жолго салуу үчүн, президенттин администрациясына кызматка барууну ачык эле суранды.
Бул фокус өткөн жок, бирок, андан башка, илгертен батышка иштеген, флешмобчу Мавлян Аскарбеков Кыргызстандын борборунун эң чоң райондорунун бирине орун басар болуп дайындалды. Ушул сыяктуу батыштын кишилери өз кишилерин кызматка коюу боюнча катуу киришип атышат. Бирок, азырынча укмуш ийгиликке жетише элек. Антсе, да башка өлкөлүк агенттер өжөр болушат. Өз кызыкчылыгына жетүү үчүн баарын кылышат
Мындай ыкма Гюлендин ыкмасына окшош. Ал дагы АКШ да жашынып жатып алып өз кишилерин Туркиянын бийлигине орноштуруу боюнча көп иштерди кылган
Ал эми жакында Кыргызстанда НАТО эс алуудагы аскерлерди бекер тил үйрөтүү боюнча программа ачып, окута башташты. Аларга, бир гана тил үйрөтпөстөн, бизнес жана компьютерди үйрөтүү боюнча окутуп атышат. Окуу бүткөн соң, жумушка орноштуруу да каралган.
Натонун кызматкерлеринин айтуусу боюнча, бул окутуу эс алуудагы аскерлерге кызматтан кийин жумушсуз жатпастан иштегенге үйрөтөт жана социалдык жашоолорун жакшыртат дешет.
Мында окутууну эмне деп айтса болот? Вербовка десе жарашпай калат, себеби, алар түз жана ачык дипломатиялык жол менен иштеп атышат. Кыязы, алар улам улам төңкөрүш болгон мамлкетте, митинге же флешмобторго чакыргандан майнап чыкпасын андан көрө жаңы метод менен иштөө керек экенин түшүнсө керек. Жаңы билинбес каршы туруу жаңы ыкмалардын чыгышына түрткү болуп, жаңы ыкмалардын пайда болушуна шарт түзгөнү чындык.
