Армениянын Ереван шаарында мыйзамсыз миграцияга каршы турууда КМШ мамлекеттеринин өз ара аракеттешүүсү жөнүндө макулдашууга катышкан мамлекеттердин комиссиясынын кезектеги жолугушуусу болуп өттү, деп билдирди Шериктештиктин Аткаруу комитетинин басма-сөз кызматы.
Жолугушуу учурунда, катышуучулар тарабынан мыйзамсыз миграциянын каналдарында табылган маалыматтарды талкуулоо жана алдын алуу жана мыйзамсыз миграцияга каршы күрөшүү багытында ыйгарым укуктуу мамлекеттик органдардын ишмердүүлүгү каралган.
Мындан тышкары, комиссия мүчөлөрү мыйзамсыз миграция каршы турууда Шериктештик өлкөлөрүнүн өз ара аракеттешүүсү тууралуу келишимге Өзбекстандын кошулуусу тууралуу маселени талкуулады.
Ошону менен бирге 2015-жылдан 2019-жылга чейинки мезгил аралыгында мыйзамсыз миграцияга каршы күрөшүүдө КМШга катышуучу өлкөлөрдүн өз ара аракеттенүү программасын ишке ашырууга байланыштуу маселелер жана 2019-жылга чейинки аралыкта кылмыштуулукка каршы иш-аракеттердин коллективдүү чараларынын Мамлекеттер аралык программасынын жоболору талкууланды.
Комиссия тарабынан ошондой эле КМШ мамлекеттеринин жөнөтүү күбөлүктөрүн жол-жоболоштурууга тиешелүү кызматташуу жөнүндө макулдашуу да талкууланды.
Жолугушуунун соңунда тараптардын кийинки жылга комиссиянын иш планы каралып, бекитилген.
