Кыргызстандын Президенти Сооронбай Жээнбеков Нарын облусуна болгон иш сапарынын алкагында Ак-Талаа районундагы жолдордун курулушу жана мектептин реконструкцияланышынын жүрүшү менен таанышты.
КР Транспорт жана жолдор министрлигинин башчысы Жанат Бейшенов Жээнбековго жолдорду асфальттоого тиешелүү жүргүзүлүп жаткан иштер жөнүндө маалымат берди. Жалпысынан Ак-Талаа районунда ички жолдордун 8,5 чакырымынан ашуун оңдоп-түзөөдөн өттү. План-иштер, кийинки айдын акырына карата аяктайт.
Министр айтып кеткендей, республиканын ар-бир районунда 3 чакырым жолду жыл сайын реконструкциялоо пландаштырылууда.
Андан соң Президент Баетов айылындагы орто билим берүү мектебинин курулушу менен таанышты. Куруу мектеби эки кабаттуу болот. Ал 275 окуучуга эсептелген. Бүгүнкү күндө 70 пайызга курулуш-монтаждоо иштери жүргүзүлгөн. Курулушту толугу менен бүтүрүү үчүн дагы 14 миллион сомго жакын каражат талап кылынат.
Мамлекет башчы белгилегендей, өкмөт үчүн приоритеттүү курулуш, социалдык, билим берүү объекттерин, жол-транспорт тармактарын жана алыскы райондордогу оор шарттуу аймактар. Сооронбай Жээнбеков маалымдагандай, бул багыттагы ишмердүүлүк санариптештирүү жылы менен гана чектелип калбайт, ал дайыма республиканын бийликтеринин көңүл чордонунда болот.
