КСДПнын расмий өкүлү Кундуз Жолдубаева «Тынч уктагыла Атамбаев кайтып келди»- деген билдирүүнү Фейсбук баракчасында калтырган.
«КСДПнын делегациясы толук курамда мекенге кайтып келди. Эми тынч уктасаңар болот. Ошентсе да айрымдарынан уйку да качты көрүнөт. Кээ бирөөлөр оюндагысы чыныгы турмушта да болсо экен деп аракет кылышты», — деп жазды Жолдубаева.
Эске сала кетсек, экс-президент Алмазбек Атамбаев Кыргызстандан чыгып кеткенде коомчулук кызуу талкууга алган. Ал арада Атамбаев менен Түлеев бир каттамдагы учакта учуп, чуу жараткан селфиге түшүп элдин назарына түшкөн эле.
